Meta u kif wieħed isir werriet ?
L-aħħar aġġornamenti: 10/1/2012
Is-suċċessjoni taqa’ fuq il-werriet mingħajr proċedura partikulari, sakemm il-werriet jaċċetta s-suċċessjoni jew ma jirrinunzjahiex. Fil-fatt, l-aċċettazzjoni tista’ tkun kemm taċita, pereżempju, fil-każ fejn il-werriet ikollu fil-pussess tiegħu l-beni tas-suċċessjoni.
Il-liġi tipprevedi skadenzi biss għar-rinunzja tas-suċċessjoni, iżda mhux għall-aċċettazzjoni tagħha. Mal-iskadenza taż-żmien, is-suċċessjoni trid tiġi aċċettata. L-iskadenza prevista għad-deċiżjoni fuq l-aċċettazzjoni jew ir-rinunzja hija ġeneralment ta’ 30 sena u din l-iskadenza tibda mill-mument tal-ftuħ tas-suċċessjoni, jiġifieri fil-mument tal-mewt.
Jekk il-werriet jixtieq sempliċiment jaċċetta is-suċċessjoni, jista’ jagħmel hekk b’mod impliċitu jew espressament mingħajr il-ħtieġa ta’ ebda forma partikulari. Madankollu, jekk jixtieq jirrinunzja jew jaċċetta taħt il-benefiċċju tal-inventarju, irid jagħmel dikjarazzjoni quddiem in-nutar.
Ġeneralment, il-werriet iwieġeb b’mod limitat u personalment għad-djun tas-suċċessjoni. Madankollu, il-werriet jista’ jillimita r-responsabbiltà tiegħu billi jaċċetta s-suċċessjoni taħt il-benefiċċju tal-inventarju. Fil-każ ta‘ ko-eredi, kull wieħed għandu x’jaqsma proporzjonalment biss mal-valur tal-parti tas-suċċessjoni tiegħu.
