Kif jiġi stabbilit testment u nista’ nirreġistrah ?
L-aħħar aġġornamenti: 10/1/2012
Kull minn jixtieq jagħmel testment għandu josserva l-forom speċifiċi. Il-liġi tal-Litwana għandha l-forom ta’ testmenti li ġejjin:
- Testmenti uffiċjali huma testmenti li jsiru bil-miktub f’żewġ kopji u jiġu awtentikati minn nutar (testment awtentiku).
- Testment privat hu testment miktub bl-idejn mit-testatur li jindika l-ewwel isem u l-kunjom tat-testatur, id-data (sena, xahar, ġurnata) u l-post fejn ikun sar it-testment, li juri l-intenzjoni vera tat-testatur u jkun iffirmat minnu (testment olografiku).
F’sitwazzjoni transfruntieri, testment, bħala prinċipju, ikun validu jekk jikkonforma ma’:
- il-liġi tal-post fejn ikun sar,
- jew il-liġi tan-nazzjonalità tat-testatur jew fil-mument tal-preparazzjoni tat-testment, jew fiż-żmien tal-mewt tiegħu; jew
- il-liġi tal-post fejn it-testatur ikollu l-post ta’ residenza abitwali tiegħu, jew fil-mument tal-preparazzjoni tat-testment, jew fiż-żmien tal-mewt tiegħu;
- jew il-liġi tal-istat tar-residenza tat-testatur fiż-żmien meta dawk l-atti jkunu twettqu jew fiż-żmien tal-mewt tiegħu;
- għal oġġetti immobbli, il-liġi tal-post fejn ikunu jinsabu.
